Kagem sedaya pamaos
blog kula sumangga tepangan rumiyin
kalihan kula, nami kula Raesita Putri Amalia saged dipuntimbali (Rae / Ita),
kula asli saking tlatah salatiga desa Tingkir Tengah RT 01 RW 07. Kula miyos
ing Salatiga, 24 Agustus 1993, sedherek kula wonten tiga, kula ingkang nomer
kalih, menawi bapak saha ibu kula nggih namung setunggal kemawon.
Samenika kula saweg
ngangsu kawruh wonten ing Universitas Negeri Yogyakarta, Fakultas Bahasa dan
Seni, mendhet jurusan Pendidikan Basa
Daerah (Jawi) angkatan 2011. Menawi saderengipun wonten Ngayogja,
rumiyin kula sampun nate ngangsu kawruh ugi wonten ing TK Pertiwi saha SDN
Tingkir Tengah 02 ingkang dumunung wonten ing desa kula, taun 2005 SMP-nipun
sampun radi wonten kutha inggih wonten SMPN 2 Salatiga ingkang boten tebih
saking griya kinten-kinten betahaken wekdal 10 menit menawi dugi sekolahan.
Sasampunipun lulus SMP, kula nglajengaken ngangsu kawruh wonten ing SMA A Wahid
Hasyim Tebuireng Jombang, tigang taun kula wonten ing Jombang wiwit taun 2008
dumugi 2011.
Sasampunipun tumut
Ujian Tulis SNMPTN alhamdulillah kabegjan ketampi wonten UNY ngantos samenika. Kula
menika piantunipun radi lingsem, menengan nanging kadhang criwis, remen
kekancan saha remen tulung tinulung. Menawi badhe mangertos langkung kathah
kalihan kula saged add FB kula (the.dodols@gmail.com)
utawi dipunketik nami kula kemawon Raesita Putri Amalia. Cekap semanten rumiyin
pitepangan kalihan Rae ingkang manis semanis sarem.. upss lepat.. gendhis
maksud kula..hehe
Ngelmu iku kalakone kanthi laku, sapa
temen bakal tinemu.. sugeng maos blog kula.. ^_^
Wassalamu’alaikum wr wb.
Tidak ada komentar:
Posting Komentar