Pambagyaharja Pangarsa Panitia

Assalamu’alaikum wr. wb

Kawula nuwun

Dhumateng Bapak Prof. Dr. Zamzani M.Pd.  minangka Dekan Fakultas Bahasa dan Seni Universitas Negeri Yogyakarta ingkang tansah kinurmatan.

Dhumateng Bapak Dr. Suwardi Endraswara M.Hum  minangka Pangarsaning Jurusan Pendidikan Bahasa Daerah ingkang minulya.

Dhumateng Bapak Ibu Dosen ingkang satuhu kinabekten.

Dhumateng para rawuh sinedhahan ingkang kawula hurmati.

Boten kasupen dhumateng para kanca ingkang kawula trisnani.

Langkung rumiyin sumangga kawula dherekaken sami ngunjukaken raos syukur dhumateng ngarsanipun Gusti ingkang maha kuwaos,  ingkang sampun paring nugraha kawilujengan dhumateng kita sedaya, saengga saget makempal wonten ing papan panggenan menika kanthi saras.

Pranatacara Mitoni

Assalamu’alaikum

Kawula Nuwun

Wonten ngarsanipun para pinisepuh ingkang tansah sinudarsana.

Dhumateng bapak Munir mingangka pangarsa dhusun ingkang kinurmatan.

Dhumateng para rawuh bapak saha ibu ingkang bagya mulya.

Langkung rumiyin sumangga kawula dherakaken sami ngunjukaken raos syukur dhumateng Gusti ingkang amurba amasesa, ingkang sampun paring nugraha kawilujengan dhumateng kita sedaya saengga saged makempal wonten ing paapn menika kanthi saras saha boten wonten alangan punapa. Amin.

Para rawuh ingkang dhahat kinurmatan,

Saderengipun adicara mitoni ing dinten menika dipunwiwiti, kawula minangka pambiwara badhe ngaturaken reroncening adicara ingkang badhe kalampah, kirang langkung mekaten:

Wacan Bocah

      Ngimpi Tuku Tas
              Dening :Rae

Ing sawijining esuk, katon bocah-bocah kang lagi mangkat sekolah. Ana kang numpak pit, ana kang diterke bapak ibune, ana uga kang padha mlaku bebarengan, amarga sekolahane ora adoh banget, mung mapan ing pinggiring desa.

Santi salah sawijining siswa kelas 5 kang melu ngrameni dalan sakbarenge padha mangkat sekolah. Ibune Santi asmane Bu Tiyem, pakaryan saben dinane dodol gorengan keliling desa. Merga kuwi Santi bisa urip prasaja. Sanadyan bocah ayu kuwi lagi kelas 5 SD, nanging dheweke wis bisa mikir diwasa, ora kaya bocah cilik liyane. Santi wis ngerti karo kahanan keluargane, dheweke ora tau duwe panjaluk kang werna-werna, kadhang malah ngrewangi ibune dodolan. Beda karo mbakyune kang wis kelas loro SMP, gaweane kepengin tuku kaya sing diduweni kancane. Rina mbakyune santi ora tau ngerti kahanan wong tuwane. Karepe apa wae kang dipingini kudu keturutan, nanging sanyatane ora bisa kabeh keturutan amarga ibune uga mung pas-pasan. Jaman kelas siji SMP biyen, Rina wis tau kepingin tuku pit merga kancane akeh sing duwe pit anyar kanggo menyang sekolah, banjur ibune usaha sebisane. Sanajan pite ora anyar, nanging saiki Rina wis bisa mangkat sekolah numpak pit sing ditumbaske ibune.

Cerkak

TRESNA JALARAN SAKA MOS

Dening: Rae

gocengblog.blogspot.com

Angin sumilir wonten ing ngajengipun sekolahan, ndhawahaken gegodhongan ingkang sampun garing. Hawanipun eco sanget, nuwuhaken raos ingkng ayem tentrem. Saking tebihan ketingal wonten tiyang jaler ingkang nembe ningal-ningali sesuketan ijem ingkang ngremenaken. Tiyang menika ketingal bingung, boten mangertosi menapa ingkang badhe dipuntindakaken. Naminipun “Irul”. Piyambakipun menika minangka siswa enggal wonten ing SMA swasta. Wonten pundi Irul badhe ngawiwiti carios enggal.

“hee... , tepangaken nama kula Roni. Sampeyan sinten? siswa enggal nggih?”, Wonten tiyang ingkang ageng nyuwun pirsa dening Irul.

“ku..kula Irul”, Irul mangsuli.

Artikel Budaya

TINGKEBAN

Tingkeban inggih menika salah satunggaling wujud tradhisi saking asiling penggalihipun masyarakat Jawi ing jaman rumiyin, kanthi pangajap supadis dipunparingi putra ingkang dipun pengini dhateng calon bapak, ibu saha kulawarga ageng sarta supados anggenipun nglairaken menika saged lancar tanpa alangan setunggal punapa. Tradhisi menika dipunpitados wiwit jaman Jayabaya ingkang dipun warisaken turun tumurun ngantos samenika saha dipunlampahi kathah-kathaipun masyarakat Jawi.

Tingkeban saged ugi dipunwastani mitoni, minangka urutaning upacara ing pagesangan ingkang dumugi samenika taksih dipunlampahi masyarakat Jawi. Upacara tingkeban menika minangka salah satunggaling adat utawi upacara ingkang dipunlampahi wonten ing wulan kaping pitu samangsa tiyang estri menika ngandhut sepisanan kanthi ancas supados jabang bayi ingkang dipunkandhut saha calon ibu ingkang saweg ngandhut menika pinaringan keslametan. Amargi wonten ing piwulang Islam menika minangka pakurmatan nalika mlebetipun ruh wonten ing raga jabang bayi kanthi ancas supados dipunparingi ruh ingkang sae saengga putra ingkang miyos menika samangke gadhah tumindak ingkang sae ugi.

Wacana Prosedural

KUE LAPIS MAKNYUSS....

Bahan-bahan:
- 275 gr gandum beras
- 75 gr gandum sagu
- 300 gr gendhis pasir
- 1/2 sdt sarem
- 1 lt santen
- 3 lembar ron pandhan
- Pewarna dhaharan; abrit, ijem utawi sanesipun dipuntrepaken kaliyan pepinginan

Cara damel Kue Lapis:
1. Santen dipunmasak sareng kaliyan ron pandan saha sarem sinambi di udhak-udhak ngantos rata saha umup.

Profil Wirausaha

Drs.Sugiharto

Sukses Amarga Dadi Distributor Material

 

            Bapak Drs.Sugiharto menika salah satunggaling alumnus Universitas Negeri Sebelas Maret (UNS) jurusan Sastra Daerah taun 1987 ngantos 1992. Bapak ingkang sampun akrab dipuntimbali Pak Totok, samenika saweg ngurus wirausaha ingkang lumayan ageng inggih menika usaha material. Ngengeti pembangunan ing jaman samenika ngrembaka sanget pramila tokonipun Pak Totok menika boten nate sepi saking pengunjung, langkung-langkung wonten ing daerah Kabupaten Karanganyar piyambak saweg dipunwontenaken pembangunan masal kangge jenjang SD ingkang kathah-kathahipun mundhut bahan material saking tokonipun Pak Totok ingkang namanipun CV. Lempung Mas Indonesia minangka distributor gendheng.