Assalamu’alaikum wr. wb
Kawula nuwun
Dhumateng Bapak Prof. Dr. Zamzani M.Pd. minangka Dekan Fakultas Bahasa dan Seni
Universitas Negeri Yogyakarta ingkang tansah kinurmatan.
Dhumateng Bapak Dr. Suwardi Endraswara M.Hum minangka Pangarsaning Jurusan Pendidikan
Bahasa Daerah ingkang minulya.
Dhumateng Bapak Ibu Dosen ingkang satuhu kinabekten.
Dhumateng para rawuh sinedhahan ingkang kawula
hurmati.
Boten kasupen dhumateng para kanca ingkang kawula
trisnani.
Langkung rumiyin sumangga kawula
dherekaken sami ngunjukaken raos syukur dhumateng ngarsanipun Gusti ingkang
maha kuwaos, ingkang sampun paring
nugraha kawilujengan dhumateng kita sedaya, saengga saget makempal wonten ing
papan panggenan menika kanthi saras.
Salajengipun kawula minangka
pangarsaning panitia ngaturaken agunging panuwun dhumateng Bapak Ibu Dosen saha
tamu sinedhahan ingkang sampun kersa rawuh wonten ing adicara dinten menika,
lan boten kesupen kawula ugi ngaturaken agunging panuwun dhumateng Bapak Dekan
ingkang sampun paring papan kangge adicara menika, saha Jurusan Pendidikan
Bahasa Daerah ingkang sampun hanyengkuyung
wiragat Rp1.500.000,00. Lan boten kesupen kawula ugi ngauraken maturnuwun dhumateng
para kanca panitia ingkang sampun mbiyantu sanget, saengga adicara ing dinten
menika saget kalampahan.
Para rawuh ingkang kula hormati
Saklajengipun kawula badhe caos
uninga bab titi acara ing wekdal menika bilih macapatan jumat legen menika
badhe ngudhal Serat Nayakawara anggitanipun Kanjeng Gusti Pangeran Adipati
Mangkunegara IV ingkang wosipun Wejangan Saha Pitutur Luhur kagem Pangembating
Nagari.
Mugi-mugi adicara macapatan jumat
legen ing dinten menika saget kalmpahan kanthi sae saha saget paring piguna
dhumateng kita sedaya.
Para rawuh ingkang minulya kawula
minangka jejering panitia, ing mbok bilih anggenipun caos pasogatan, dhaharan,
saha papan panggenan kirang nyekecakaken, kawula nyuwun lunturing sih samudra
pangaksami. Mekaten atur kawula.
Maturnuwun
Wassalamu’alaikum wr.wb
Tidak ada komentar:
Posting Komentar