TRESNA JALARAN SAKA MOS
Angin sumilir wonten ing
ngajengipun sekolahan, ndhawahaken gegodhongan ingkang sampun garing. Hawanipun
eco sanget, nuwuhaken raos ingkng ayem tentrem. Saking tebihan ketingal wonten
tiyang jaler ingkang nembe ningal-ningali sesuketan ijem ingkang ngremenaken.
Tiyang menika ketingal bingung, boten mangertosi menapa ingkang badhe
dipuntindakaken. Naminipun “Irul”. Piyambakipun menika minangka siswa enggal
wonten ing SMA swasta. Wonten pundi Irul badhe ngawiwiti carios enggal.
“hee... , tepangaken nama kula Roni. Sampeyan
sinten? siswa enggal nggih?”, Wonten tiyang ingkang ageng nyuwun pirsa dening
Irul.
“ sampeyan tiyang pundi?, kala wau kula tingali kok
kados tiyang bingung, napa dereng pikantuk kanca?”, Roni taken malih.
“ inggih, kula saking Salatiga, menawi sampeyan
piyambak tiyang pundi?”.
“ menawi kula asli Yogyakarta, salam tepang nggih.
Ohh nggih, bibar menika badhe wonten acara malih, mangga sareng-sareng mrika
kersanipun boten telat”, Roni ngajak.
Boten
dangu acara MOS dipunwiwiti. Kathah acara ingkang dipun damel dening mas-mas
lan mbak-mbak Senior. MOS menika dipundadosaken papan kangge mbales menapa
ingkang rumiyin dipuntampi dening angkatan saderengipun, kadosta para kucing
ingkang sampun ngincer tikus ingkang boten kagungan daya. Tradisi turun-tumurun
ingkang sampun ngoyot kiyat lan wonten ing prastawa MOS kadadosan.
Sasampunipun
MOS dinten sepisan dipun pungkasi, ing ngajeng sekolahan, wonten ingkang
ningali Irul kanthi paningalan ingkang boten kados biasanipun. Ingkang ningali
menika tiyang estri ingkang ayu sanget. Irul lajeng kaget, ugi sami-sami
ningali tiyang ayu kala wau, lan nuwuhaken raos ingkang boten karun.
Sasampunipun Irul dugi wonten griyanipun, lajeng dipunangen-angen malih
prastawa ing ngajeng sekolah kala wau.
Enjingipun
Irul mlayu-mlayu menyang sekolahan amargi piyambakipun kawanen anggenipun
tangi, dumadakan wonten pit montor mandhek wonten ing pinggiripun Irul lan buka
kaca helemipun. “Rul, mangga menyang sekolahan sareng kula”, Roni ngajak. Tanpa
mikir dangu, Irul langsung numpak lan mesam-mesem.
Wekdal saderengipun mlebet wonten
sekolahan, Irul ningali salebetipun gerbang, madosi tiyang ingkang dipunraos
radi boten biasa kala wingi. Wonten kathah tiyang estri ingkang sareng mlampah
mlebet sekolahan, nanging boten wonten tiyang ingkang dipunpadosi. Roni
markiraken pit montoripun, lajeng sami-sami mlajar mlebet ing sekolahan tumuju
lapangan, ndilalah panggih kaliyan mas senior lan kenging ukuman amargi sampun
telat, ingkang jaler diken mlajar ngubengi lapangan kaping tiga, ingkang estri
ugi diken ngubengi kaping kalih. Sasampunipun ukuman dipunlampahi, lajeng sami
ndherek mlebet wonten barisan. Dumadakan wonten tiyang estri ingkang nembe dugi
wonten sekolahan. Tiyang estri ingkang dipunpadosi Irul menika matur, “ nyuwun
panapunten nggih mas, kula telat anggenipun dugi, amargi wonten margi kala wau
wonten tiyang ingkang dhawah, lajeng ndadosaken macet”.
“ MOS kuwi diwarahi disiplin dhik, dadi ora ana
alesan apa wae menawa telat, saiki kowe entuk ukuman mlayu ngubengi lapangan
ping papat!!” duka mas Dirman. Pasuryan Puput lajeng beda sasampunipun mireng
ukuman kasebat. Irul ugi mireng, lajeng ngraos boten terima kaliyan ukuman
kangge Puput. “ mas, ukuman menika awrat sanget kangge tiyang estri” Irul
mbengok saking tengahing barisan.
“ heh, sopo kui mau sing ngomong, rene maju nang
ngarep!, mas Dirman tambah duka. Irul lajeng mlajar lan siap menawi badhe
pikantuk ukuman malih.
“ sapa
jenengmu?”
“Irul mas”
“ hehe... Irul to,, yo saiki kowe melu mlayu cah iki
ping papat. Eh iyo sopo jenengmu?”, taken mas Dirman kaliyan ingkang estri.
“ Puput mas”.
“hmm.. Irul lan Puput, mlayu saiki, cepett!”.
Pungkasanipun Irul mangertosi
sinten naminipun tiyang ayu menika. Piyambakipun sedaya namung mlajar tiyang
kekalih mawon. Sinambi mlajar, tiyang kekalih wau omong-omongan, anggenipun
mlajar sareng-sareng menika boten keraos kesel Irul ngraos remen saged
omong-omongan kaliyan Puput.
“ maturnuwun nggih mas, sampeyan sampun mbelani lan
wani matur kaliyan mas Dirman kados wau” .
“menika sampun kewajiban kula Put”, Irul mangsuli.
Dinten-dinten
MOS salajengipun, Irul lan Puput samsaya rumaket, lan dipunpungkasi kanthi
remenig manah. Irul lan Puput samsaya pengin mangertosi antawis setunggal lan
sanesipun. Kanthi piranti surat-suratan ingkang dipuntitipaken kaliyan Roni
ingkang dalemipun caket kaliyan Puput, tresna menika dumugi wonten manahipun
piyambak-piyambak.
Tidak ada komentar:
Posting Komentar