Keunikan Nama Ngajeng Tiyang Bali
Menawi dipunsebataken tembung “Bali” mesthi tiyang menika sampun gadhah pamanggih menawi pulo Bali menika dipuntepang kaendahan alamipun, ugi budaya-budayanipun ingkang taksih kenthel lan kathah ingkang unik .Bali menika sampun dipuntepangi ing jagad negari amargi kathah keunikan ingkang dados budayanipun Bali. Dados menawi tindak dhateng Bali menika mesthi saged manggihi para turis ingkang sami pengin mangertos kadospundi sejatosipun Bali ingkang endah.
roombucketdotcom.blogspot.com |
Menawi dipunsebataken tembung “Bali” mesthi tiyang menika sampun gadhah pamanggih menawi pulo Bali menika dipuntepang kaendahan alamipun, ugi budaya-budayanipun ingkang taksih kenthel lan kathah ingkang unik .Bali menika sampun dipuntepangi ing jagad negari amargi kathah keunikan ingkang dados budayanipun Bali. Dados menawi tindak dhateng Bali menika mesthi saged manggihi para turis ingkang sami pengin mangertos kadospundi sejatosipun Bali ingkang endah.
Kathah sanget keunikan
menawi sampun dumugi wonten ing Bali, saben desa menika gadhah tradisi
piyambak-piyambak, sedaya menika dipunraosaken khas sanget, amargi
sedaya tiyang Bali menika taksih nyengkuyung menapa kemawon budaya ingkang
taksih dipuntindakaken dening masyarakat Bali. Salah setunggal budaya ingkang
dereng kathah dipunmangertosi dening masyarakat umum kadosta masyarakat Jawi,
Sumatra, Kalimantan lan sanesipun, inggih menika budaya maringi nama ngajeng
putranipun tiyang Bali. Mesthi kathah ingkang bingung, amargi nama-nama ngajengipun
tiyang Bali menika kathah ingkang sami, kadosta wayan, made, nyoman, kethut. Nama
menika boten waton amargi nama-nama ngajeng kados menika gadhah teges
piyambak-piyambak. Nama ngajeng tiyang Bali menika minangka tandha tepang
tiyang kasebat putra kaping pinten.
Sakderengipun ngandharaken
nama-nama kados kala wau, dipunwiwiti saking sebatan I lan Ni wonten nama-nama
ngajengipun tiyang Bali. Tuladhanipun huruf I ing ngajeng mana Wayan, I
menika sebatan kangge namanipun tiyang jaler. Sakwangsulipun, sebatan Ni menika
tegesipun nama tiyang estri. I kaliyan Ni menika ateges tiyang jaler kaliyan
estri saking kulawarga masyarakat kathah-kathahipun, boten saking kulawarga ingkang
gadhah kasta ugi biasa dipunsebat tiyang “jaba”. Ingkang bedakaken nama
ngajeng tiyang Bali menika dipuntingali saking kulawarga kasta menapa. Kasta
inggih menika tingkatan sosial ing panggesangan masyarakat Bali. Menawi miyos
saking tukang tempa wesi, kamangka tiyang Bali menika nama najengipun “Pande”,
menawi ngajengipun wayan, made lan sanesipun menika ngangge tembung “ Ida
Bagus” tegesipun tiyang Bali menika putra saking kulawarga Kasta Brahmana.
Ida Bagus tegesipun bagus utawi kinurmatan. Menawi dipunparingi nama gelar
“Anak Agung”, nedahaken manawi tiyang menika lair saking kulawarga bangsawan.
Putra nomer setunggal wonten ing
Bali jaler menapa estri menika mesthi ngangge nama Wayan, utawi Putu utawi Gede.
Nama Wayan menika asalipun saking tembung “wayahan" ingkang ateges paling
matang. Dados umpaminipun tiyang Bali kadosta I Wayan Sidharta menika sampun
mesthi menawi tiyang menika putra kaping setunggal, ngendikanipn I Wayan
minangka guide (pemandu) wekdal mahasiswa Pendidikan Bahasa Daerah UNY
sami tindak dhateng Bali.
Putra nomer kalih ugi wonten
sebatanipun piyambak inggih menika Made utawi Nengah utawi Kadek, Made menika
asalipun saking tembung “Madia”
ingkang tegesipun tengah. Nama menika ugi saged dipunginakaken kangge
jaler menapa estri.
Sebatan kangge Putra kaping tiga
inggih menika Nyoman utawi Komang. Dipuntimbali Nyoman ingkang asalipun saking
tembung "uman" ingkang ateges “sisa” utawi “akhir”. Dados
miturut tiyang Bali menika menawi wonten ing kulawarga saenipun namung nggadhahi
tigang putra kemawon. Nanging ing jaman rumiyin obat tradisional menika
taksih kirang mandi kangge ngadhang kekandhutan, menawi badhe aborsi ugi
dipunraosaken kejem sanget, saengga ing kulawarga menika langkung saking tigang
putra.
Putra tiyang Bali ingkang angka
sekawan dipunsebat ketut, sebatan menika langkung gampil dipunemut amargi putra
kaping sekawan menika namung gadhah setunggal sebatan nama ngajeng inggih
menika ketut. Ketut menika asalipun saking tembung “Kitut” ingkang ateges
pisang alit ingkang wonten ing pucuk jawinipun saking setunggal lirang pisang. Ketut
menika minangka putra bonus. Dados menawi pepanggihan kaliyan tiyang
bali ingkang gadhahi nama kadota sami kaliyan ingkang sampun dipun andharaken
boten prelu bingung malih.
Nama-nama tiyang Bali menika
minangka salah setunggalipun budaya unik ingkang wonten ing Bali, amargi
dumugi sakmenika sebatan nama-nama ngajeng kadosta wonten ing nginggil menika
taksih lestantun dening masyarakat Bali.
Tidak ada komentar:
Posting Komentar